Halos isa ka semana na nga yara sa Intensive Care Unit (ICU) sang ospital ang komedyante nga si Gil Morales ukon mas kilala nga si Ate Gay.
Sa Facebook post sang pamilya Morales, ila ginpangabay ang bulig pinansyal para kay Ate Gay para sa nagapadayon sini nga medical needs.
“During this difficult time, our family is humbly reaching out to your kind hearts for any financial assistance to help support his ongoing medical needs,” suno sa pamilya.
Ginpasalamatan man nila ang mga nagpalab-ot na sang ila nga kaayo kag kaalwan.
“No amount is too small. Every contribution, prayer, and share means so much to our family. We humbly ask for your kindness and prayers as we continue to hope for his recovery,” dugang pa sa post. “From the bottom of our hearts, thank you for your love, generosity, and support.”
Matandaan nga subong nga bulan, ginpatigayon ni Ate Gay ang iya “living funeral” nga gintambungan sang iya pamilya kag suod nga mga abyan — bagay nga gintawag sini nga “celebration of life.”
Na-diagnose ang komedyante nga may stage 4 cancer sang 2025.
Ginbuligan siya sang anonymous donor sa iya nga radiation therapy sa Asian Hospital samtang may isa naman ka fan nga nagpahulam sang condo unit malapit sa ospital agud nga mangin mahapos ang iya pagpabulong.
Sang Nobyembre, naka-update pa si Ate Gay nga naka-“graduate” na siya sa radiation kag sa chemotherapy.
Sang nagligad naman nga Hunyo, ginsiling sini nga wala na siya sang bukol sa liog kag sa ilong kasunod sang MRI (Magnetic Resonance Imaging).#
