Naglab-ot na sa record nga P19. 66 trillion ang kabug-usan nga utang sang gobyerno sang Pilipinas sa bulan sang Setyembre 2026.
Ini kaangot man sa dugang nga pagpangutang kag paghina sang balor sang piso kontra dolyar.
Base sa datos sang Bureau of the Treasury, nagtaas sang 0.27% ang utang sang pungsod kun ikumpara sadtong bulan sang Agosto.
Sa kabilugan nga utang, P13.25 trillion pesos ukon 67.39% ang naghalin sa local debt, samtang P6.41 trillion naman ang naghalin sa international debt.
Suno sa Treasury, halos P2 trillion ang gindugang sa kabilugan nga utang sang pungsod halin bulan sang Enero 2026.
Malapit na ini sa ginalauman nga P19.77 trillion nga utang pag-abot sa katapusan sang tuig.
Nahibaluan nga ginagamit sang gobyerno ang gina-utang sini nga kwarta agud nga mapun-an ang kakulangan sang national budget.
