Naghimo sang kasaysayan si Pope Leo XIV bilang una nga Santo Papa sa Catholic Church history nga nagboto sa U.S. election.
Kasunod ini sang pagkumpirma sang Holy See Press Office nga nagboto bilang United States citizen ang Santo Papa sa midterm elections sang Estados Unidos sang Amerika pinaagi sa isa ka mail-in ballot sa Chicago.
Ang nasambit nga mail-in ballot ang ginapahanugutan sa Illinois bangud sa Uniformed and Overseas Citizens Absentee Voting Act nga nagapahanugot na sa mga residente sang Amerika nga magboto sang naluyagan nila nga kandidato, apisar nga yara sila sa luwas sang ila pungsod.
Ang Holy Father nga amo ang una nga Pope halin sa United States ginakabig gihapon nga US citizen apisar nga nagapuyo siya sa gwa sang Estados Unidos sa kadam-an sang mga tinuig halin sang 1980s.
Naga-uyat man siya sang Peruvian citizenship.
Suno sa Vatican, bisan sang yara sa Peru si Pope Leo sang una, gina-gamit gid sini ang iya kinamatarong sa pagboto basta nga eligible lang siya sa paghimo sini.
Pahayag pa sang Vatican, nagapati ang Santo Papa sa kinamatarong sang kada pumuluyo nga magpartisipar sa demokratiko nga proseso.
