Nagpasalamat si Pope Leo XIV sa mga Katoliko nga padayon nga nagapangamuyo sang iya nga dalayon nga pag-ayo.
Sa una sini nga mensahe matapos ang iya nga operasyon kaangot sa iya nga lung cancer, nagpangabay ang Santo Papa nga padayon ini nga pangamuyuan kadungan sang pangako nga pangamuyuan man sini ang publiko.
Nagpasalamat man ang Santo Papa sa mga pangamuyo kag pagpakigbahin sang mga eksperiensya sa tagsa-tagsa nga suno pa sa iya isa ka maayo nga halad sa Simbahan.
Nahibaluan nga nagpaidalom si Pope Leo sa operasyon sa Gemelli Hospital sa Rome, Italy, kun sa diin ginkuha sang mga doctor ang idalom nga bahin sang iya nga right lung, matapos makumpirma nga may ara ini sang lung adenocarcinoma, isa ka sahi sang kanser sa baga.
Suno sa iya nga doctor, ginalauman ang maayo nga recovery sang 71-anyos nga Santo Papa.
Nakalakat naman ini sa iya sulod hiligdaan sa ospital samtang padayon ang iya nga recovery.
