Nagluntad ang isa ka pagpangluthang sa isa ka elementary school sa Oregon, Estados Unidos, nga nagresulta sa kamatayon sang apat ka tawo, lakip ang tatlo ka kabataan.
Ang insidente natabo sa Silver Rail Elementary School sa Bend, Oregon, sang Huwebes sang hapon (Biyernes sa Pilipinas).
Ginpahayag sang mga awtoridad nga napatay man ang suspek sa pagpangluthang, apang limitado pa ang impormasyon parte sa pag-atake.
Madasig nga nagresponde ang kapulisan matapos makabaton sang tawag parte sa pagluthang sa guwa sang eskwelahan.
Nagpatigayon ang mga awtoridad sang room-by-room nga pagbakwit, kag nagabulig man ang FBI sa imbestigasyon.
Nagpabutyag naman sanday Oregon Governor Tina Kotek kag Senator Jeff Merkley sang pag-unong kag kabalaka sa sini nga insidente.
