Nasapwan nga halos tul-an na lang kag ginsemento pa sa imburnal ang isa ka 24-anyos nga lalaki sa Brgy. Pahina Central, Cebu City.
Ang biktima amo si Isaac Virgel Viernes, residente sang amo nga lugar.
Suno sa otoridad, nakilala sang pamilya ang biktima paagi sa iya bayo kag ngipon.
Antes nasapwan ang bangkay, nagreklamo ang mga residente angot sa tuman nga baho sa ila lugar kag didto na nakit-an ang ginsemento nga lawas sang biktima.
Suno sa pamilya, Oktubre 7 pa nadula ang biktima.
Naggwa naman sa imbestigasyon nga ulihi nga nakit-an ang biktima nga kaupod nga nagainom-inom ang grupo sang mga lalaki sa lugar apang ginpahayag nga may natabo nga indi pag-intindihanay sa tunga sang biktima kag upod sini sa ilimnan nga ginakabig nga isa sa mga persons of interest sa krimen.
