Patay ang principal sang isa ka elementary school matapos gintiro sang wala pa makilal-an nga mga indibidwal sa Datu Saudi Ampatuan, Maguindanao del Sur.
Ang biktima amo si Dionel Mahusay, prinicipal sang Pendililang Elementary School.
Natabo ang insidente sa highway sa Barangay Salbu.
Nagasakay sa van ang biktima sang ginpaulanan ini sang bala.
Wala pa matumod ang motibo sa krimen.
Naggwa sa imbestigasyon nga aktibo si Mahusay sa peacebuilding efforts sa ila nga banwa.












