Ginhaboy ang 29 ka mga furbabies ukon mga hinuptanan nga ido kag kuring sa isa ka bakante nga lote sa San Jose Del Monte, Bulacan.
Sa isa ka Facebook post sang miyembro sang NEW PAWA ukon Philippine Animal Welfare Association, 26 ka ido kag 3 ka bangkay sang kuring ang nasapwan sa bakante nga lote sa Bulacan.
Makit-an nga isa-isa nakasulod sa separado nga plastic bag ang mga ido kag kuring kag nagalapta lang ang mga bangkay sa nasambit nga lugar.
Sa kada separado nga plastik, ginpahayag sa social media post nga may mga ngalan kag kabug-aton ini sang kada ido kag kuring.
“This is no longer just a tragedy; it is an active, community-driven investigation. While local authorities cannot conduct a formal investigation until the holiday is over, we refused to sit by and let 29 innocent souls (26 dogs and 3 cats) be forgotten. They were thrown away like trash in a vacant lot here in City of San Jose Del Monte, Bulacan, and they deserve immediate answers.” Pahayag sang isa ka miyembro sang grupo sa social media.
Dugang pa nga impormasyon, indi pa makapatigayon sang pormal nga imbestigasyon ang mga otoridad tubtob indi pa matapos ang Pista Minatay.
Naghimo na sang lihok ang nasambit nga grupo kun sa diin ila ginbisita ang 6 ka local veterinary clinics kag 2 ka pet crematory services.
Sa subong, padayon sila nga nagahingyo sang bulig kag hustisya sa publiko agud ma-identify ang mga nagapanag-iya sang mga “furbabies” kag ipabalo ang natabo sa mga bangkay sang ila hinuptanan.
