Nagahingyo sang konsiderasyon sa mga otoridad ang isa ka Punong Barangay angot sa estrikto nga pagdumili sa mga ginapatigayon nga sugal sa mga haya sa syudad sang Iloilo.
Sa interview sang Bombo Radyo sa Association of Barangay Captains (ABC) President sang distrito sang Mandurriao nga si Punong Baragay Ariel Mirar, iya ginpahayag nga dako ang mabulig sang mga ginapatigayon nga sugal sa mga pamilya sang mga nagtaliwan, ilabi na sa mga pigado, bangud paagi diri may posibilidad nga makakuha sila sang dugang nga kwarta nga magamit sa ila mga kinahanglanon.
Suno kay Mirar, nagalaum siya nga hatagan sila sang konsiderasyon sang mga otoridad kag pasalamatan niya kun pamatian ini nga pangabay.
Sa karun, suno sa iya, wala pa man sang may nadakpan nga nagapatigayon sang illegal gambling sa mga namatyan.
