Ginpaathag ni Governor Arthur Defensor Jr. nga wala sang problema sa mga banwa nga nagpahayag sang interes nga mangin capital town sang probinsiya sang Iloilo, lakip na ang banwa sang Sta. Barbara kag Oton.
Sa interview sang Bombo Radyo kay Gov. Defensor, iya ginpahayag nga ginalantaw niya ini nga isa ka maayo nga kumpetisyon sang mga kabanwahanan nga mahimo mangin dalan nga mapadasig ang tagsa nga pag-uswag.
Apang, ginapahanumdom sang gobernador nga kinahanglan nga usisaon ang proseso sang nasambit nga mga resolution ukon mga ordinansa sa pagdeklara sang mga capital town sang probinsya sandig sa layi..
Kaangut sini, iya man ginpahayag nga wala sang kapuslanan ang mga deklarasyon nga mangin capital town ang isa ka banwa kun kulang sang economic fundamentals kag mga kinahanglanon nga pasilidad.
Nahibaluan nga nag-file si 2nd District Representative Kathryn Joyce F. Gorriceta sang House Bill No. 11820 sa 20th congress nga nagaduso nga mangin capital town sang probinsya ang Sta. Barbara.
