Gin-imbitar si Iloilo City Vice Mayor Lady Julie Grace “Love-Love” Baronda bilang isa sa mga delegado sa palaabuton nga ASEAN Governors and Mayors Forum nga gin-organisar sang United Cities and Local Governments of Asia-Pacific sa Nobyembre 15-17 sa Metro Manila.
ASEAN Governors and Mayors Forum isa ka plataporma nga nagatipon sa mga lider sang local government sa Southeast Asia agud magbinaylohanay sang mga eksperiensya, magpalig-on sang kooperasyon, kag magpauswag sang people-centered governance ukon pagdumala nga nagaprioridad sa kaayuhan sang pumuluyo.
Sa interview, ginpahayag ni Baronda nga isa ka dungog ang pagpakigbahin niya sa amo nga international gathering, nga nagatuyo nga mapabaskog ang people-centered leadership, pagbinaylohanay sang best practices kag regional cooperation sa tunga sang mga pungsod sa Southeast Asia.
“My expectation is to promote people-centered leadership, engage in meaningful dialogues with other countries, learn best practices that can be applied in the Philippines, and build stronger regional cooperation for development,” pahayag ni Baronda.
Suno kay Baronda, ginapaabot niya nga mangin oportunidad ang forum agud makatuon ang mga lider gikan sa nagkalain-lain nga pungsod parte sa ila mga programa kag polisiya nga mahimo man ma-adaptar sa Pilipinas.
“Because at the end of the day, our legislation and policies are driven by the goal of protecting the lives of the people we serve and providing them with better and more effective public services,” dugang pa niya.
Ginapaabot man niya nga paagi sa pag-host sang Pilipinas sa forum, mas mapakilala sa international community ang mga atraksyon sang pungsod kag makadani sang dugang nga mga turista.
Gina-agda man ni Baronda ang mga international delegates nga magbisita sa Pilipinas kag ma-experience ang mainit nga pagbaton kag pagkamaabiabihon sang mga Pilipino.
