Ginalantaw ni Punong Barangay Elfren Cenayo sang Don Esteban, Lapuz, Iloilo City nga isa sa rason sang delay sang drainage project sa lugar amo ang mga obstruction kun sa diin apektado ang dalanon sa Brgy. Alalasan kag Don Esteban sa Lapuz kag Brgy. Divinagracia sa La Paz.
Sa interview sang Bombo Radyo kay PB Cenayo, iya ginpahayag nga matawhay man ang pag-obra sang proyekto apang indi matapos-tapos bangud sa mga naga-park nga mga tricycle kag motorsiklo sa construction site.
Suno kay Cenayo, isa pa gid sa problema amo nga wala sang nagakaigo nga safety ukon warning devices sa area nga nagatuga naman sang aksidente.
Apang suno sa opisyal, kun kaisa, mismo ang mga pumuluyo man ang balasulon bangud bisan nga sirado ang area nga under construction, ginabuksan nila ini sa gihapon bisan delikado kag gina-park nila sa lugar ang ila mga salakyan.
Ang malain pa suno sa iya nga sila nga mga opisyal ang ginabasol sang mga tawo sa delayed nga proyekto nga nagatuga sang huol sa mga tawo.
