ILOILO CITY -Ginatutukan sang Department of Tourism (DOT) ang agri-tourism sa Western Visayas.
Sa interview sang Bombo Radyo kay Atty. Helen Catalbas, regional director sang DOT Region 6, iya ginpahayag nga nagabuligay sila sang Department of Agriculture (DA) agud mas mapasangkad ang agri tourism sa diin ginatib-ong nila ang turismo pinaagi sa agrikultura.
Suno kay Catalbas,target nila nga magpatukod sang 30 ka mga agri tourim site sa rehiyon.
Lakip suno kay Catalbas sa ila nga luyag itib-ong amo ang mga pagkaon, agricultural products, livestock, kag meat products.
Ginpahayag nga Catalbas nga kun ang mga pagkaon nga ginaserbe sa mga turista nga nagapadulong sa Western Visayas ang naghalin mismo sa rehiyon, mas magataas ang net income sang mga mangungma.
