Magaatubang si Alex Eala sa isa ka eksperyensyado nga Czech player nga si Karolina Muchova sa Round of 16 sang Miami Open sa Florida, Estados Unidos sang Amerika.
Nag-abante si Eala sa fourth round matapos ginlutos sa straight sets ang Polish player nga si Magda Linette, 6-3, 7-6.
Si Linette amo anay ang naglutos kay world no. 3 Iga Swiatek sa second round.
Ang atubangon ni Eala nga si Muchova amo ang 13th seed sa tournament kag nagapang-14 naman sa latest world rankings.
Nakasulod si Muchova sa quarterfinals sang apat tanan ka Grand Slams lakip na ang pagtapos bilang runner-up sa 2023 French Open.
Sa unofficial record, sa 12 ka beses nga naka-atubang si Eala sa Czech players sa iya karera, wala pa ini nakaagi daog.
Sa pihak sini, nagapati ang world no. 29 nga Pinay tennis player nga nakaganar naman ini sang eksperyensya ilabi na sa Miami Open sang nagligad nga tuig nga amo ang nagpreparar sa iya sa mabudlay nga mga hampang.#
