Sulod na ang pambato sang Pilipinas nga si Alex Eala sa semifinals sang Guadalajara 125 Open sa Mexico.
Sini nga kaagahon oras diri sa Pilipinas, ginlutos sang 20-anyos nga tennis sensation si Nicole Fossa Huergo sang Italya, 7-6(2), 6-2, sa quarterfinals.
Ginpatigayon ang sambuwa inoras lang matapos nagdaog si Eala batok sa American player nga si Varvara Lepchenko sa Round of 16. Halos isa ka adlaw nga na-suspend ang amo nga match (sa deciding set) bangud sa ulan.
Sa semifinals sa Sabado, atubangon ni Eala si Kayla Day sang Amerika.
Antes sa iya hampang sa Mexico, nakapasakop ang Pinay tennis star sa main draw sang US Open kun sa diin nakalab-ot ini sa second round.#
