Buhi pa ang paglaum sang Philippine women’s national football team nga makasulod sa quarterfinals sang AFC Women’s Asian Cup 2026 matapos ginlutos ang Iran sa katapusan nga group stage match, 2-0.
Sa hampang sa Gold Coast, Australia, naka-goal para sa Filipinas si Sara Eggesvik sa ika-29 nga minuto kag ginsundan ni Chandler McDaniel sa ika-82 nga minuto.
Ini ang una nga kadalag-an sang team sa tournament matapos ang magkasunod sang kalutusan sa kamot sang powerhouse teams nga Australia kag South Korea.
Nagapangatlo na subong ang Filipinas sa Group A nga may tres puntos, apang kinahanglan pa nga hulaton ang resulta sang duha ka iban pa nga grupo.
Ang duha ka best third placers sa tournament amo ang maga-upod sa top two teams sa kada tatlo ka grupo sa quarterfinals.
Didto kag maga-compete sila para sa anum ka spot para sa confederation sa 2027 FIFA Women’s World Cup.
Ang goal difference amo ang posible basehan kun sin-o ang mangin best two third-placers.#
