Nagsulod na ang reigning European champions nga Espanya sa finals sang FIFA World Cup 2026 matapos ginlutos sa semifinal matchup ang heavy favorites kag powerhouse team nga France 2-0.
Naka-goal para sa Spain sanday Mikel Oyarzabal sa 22nd minute via penalty kag ginsundan ni Pedro Porro sa ika-58 nga minuto.
Ini ang una nga tion halin sang 2010 nga makatapak ang Espanya sa finals. Sang amo nga tuig, matandaan nga sila ang nakakuha sang kampyonato.
Atubangon sang Spain ang magadaog sa tunga sang defending champions nga Argentina kag isa man ka former champion nga England nga magasambuwa sa semifinals 3:00 bwas sa kaagahon, oras sa Pilipinas.
Nahibaluan nga nagapanguna ang France sa latest FIFA rankings kag antes ang match batok sa Spain, sila man ang may pinakamataas nga tyansa nga magkampyon suno sa analysts bangud sang ila impresibo kag mabakod nga performances sa kada sambuwa halin sa group stage tubtub sa knockout rounds.
Ini man ang una nga tion subong nga tournament nga wala naka-goal ang ila captain kag young superstar nga si Kylian Mbappe. Ang France amo ang magkampyon sang 2018 kag nangin runner up sang 2022.
Atubangon naman nila sa Miami Gardens, Florida para sa battle for third ang sino man nga nalutos sa England kag Argentina nanday Lionel Messi.#
