Nag-abot na sa New York si Alex Eala samtang nagapreparar para sa iya debut women’s main draw sang US Open.
Gin-share sang 20-anyos nga Filipina tennis player ang iya nga laragway sa Big Apple antes mag-umpisa ang iya ikatatlo nga Grand Slam main draw tournament subong nga tuig, kasunod man sang iya pagpasakop sa French Open kag Wimbledon.
Ini ang iya una nga tournament halin sang Montreal Open sa Canada kun sa diin nalutos siya sa first round sa kamot ni Markéta Vondroušová sang Czech Republic.
Antes sini, ginlaktawan ni Eala ang Cincinnati Open kag Monterey Open rason nga nag-us-os sa World No. 70 sa rankings kasunod sang iya ginsuprer nga shoulder injury.
Nakakuha si Eala sang spot sa main draw sang 2025 US Open bangud sang padayon sini nga pagsaka sa Women’s Tennis Association (WTA) rankings nga nag-umpisa sa iya maayo nga performance sa Miami Open.
