TUBUNGAN, ILOILO -Kalabera na sang masapwan ang isa ka estudyante sa tago nga talamnan sa banwa Tubungan, Iloilo.
Ang biktima amo si alyas Nene, senior high school student, menor de edad, kag residente sang Brgy. Agdao, Tubungan, Iloilo.
Sa exclusive interview sang Bombo Radyo Iloilo kay Police Staff Sgt. Hernane Paras, imbestigador sang Tubungan Municipal Police Station, iya ginpahayag nga duha ka tuig na nga ginapangita ang biktima sang iya pamilya.
Suno kay Paras, ang tag-iya mismo sang talamnan ang nakakita sa kalabera sang dalagita.
Ginkumpirma naman sang amay nga kalansay sang iya anak ang nasapwan sa diin pamatuod ang ID kag mga gamit sini nga nakit-an man sa lugar.
Sa subong, nagapadayon pa ang imbestigasyon sa insidente.
