ILOILO CITY – Pormal na nga nagsumpa ang anak ni the late Iloilo City Councilor Armand Parcon nga si Atty Frances Grace Parcon bilang myembro sang National Unity Party (NUP).
Mismo si Iloilo City Mayor Jerry Treñas ang nagpasumpa kay Atty. Parcon.
Si Atty. Parcon ang magabulos sa nabakante nga pwesto ang iya amay sa Iloilo City Council.
Suno kay Treñas, pinaagi kay Atty. Parcon, mabatyagan sa gihapon ang presensya kag suporta sang nagtaliwan nga konsehal pinaagi sa iya anak.
Sa pormal nga pagpungko ni Atty. Parcon bilang konsehal, mapabilin ang legasiya kag inspirasyon sang mga nagakinahanglan.
Matandaan nga nagtaliwan sa edad nga 59 anyos si Councilor Parcon bangud sa pneumonia.Ang konsehal ang una nga gindala sa ospital matapos ang eleksyon.
Si Councilor Parcon ang una nga gin diagnose nga may lung cancer.
Ini ang nakakuha sang boto nga 105, 912 sa nagligad nga eleksyon sa nga nagbutang sa iya sa ikaduha nga pwesto.
