Magahatag sang daku nga pagtamod sa mga kabataan ang anti-fake news campaign nga ginlunsar sang administrasyon ni President Ferdinand Marcos, Jr.
Sa launching sang Media Information Literacy Campaign, ginpahayag sang presidente nga ang mga kabataan ang pinaka-vulnerable sa sala kag malisyoso nga mga impormasyon halin sa internet.
Ginpaathag man sini nga bisan daku ang papel sang internet sa paghatag sang dugang nga ihibalo sa mga tawo kag paghatag sa ila sang lugar kun sa diin mapakigbahin ang ila nga mga komento kag opinyon, isa man ini ka plataporma kun sa diin nagalapta ang sala nga mga impormasyon.
Nag-abiso pa si Marcos sa mga consumers sang impormasyon nga hibaluon gid kun sa diin halin ang balita agud nga malikawan nga mabiktima sang disinformation.
Ang nagapanguna nga partners sang gobyerno sa sini nga kampanya amo ang social media networks kag ang nagkalain-lain man nga ahensya sang gobyerno.
