Hambal nila kun palangga mo, batunon mo kun ano pa ina siya.
Pero may ara man ya nga wala ini natuman nga promisa bangud 40 ka adlaw pa lang sila nga kasal sang iya bana, nangampo na ini.
Ginaistoryahan subong ang isa ka babaye sa India nga nag-file sang divorce sa iya bana sa 40 ka adlaw pa lang bangud nga nagapaligo ini sang isa ka bes ukon duha ka beses lang kada bulan.
Ini nga asawa nga halin sa Agra, sa Uttar Pradesh state sang India, ang nag- approach sa local family counseling center agud ireklamo ang iya bana bangud sa mala-kanding sini nga baho.
Suno sa iya, halos wala ini gailis sang bayo kag sa tion nga maghulid sila, pamatyagan niya daw malumos siya sa ginahaklo niya nga baho sang iya bana.
Kasunod sini, nagpromisa ang bana nga mag-improve sa iya hygiene kag maligo adlaw-adlaw apang nanindugan ang pamilya sang babaye nga indi na ini luyag nga magpadayon pa ang ila pag-updanay.
