Nagpanawagan ang Association of Taxi Operators of Panay sa mga taxi operators nga tutukan kag istriktohan sini ang ila nga mga driver.
Ini kasunod sang pagpostibo sang isa ka taxi driver sa ginpatigayon nga surprise drug test sang Philippine Drug Enforcement Agency Region 6.
Nagpositibo man sa confirmatory test ang amo nga driver.
Sa interview sang Bombo Radyo kay Perfecto Yap, president sang ATOP, iya ginpahayag nga kinahanglan nga ma-monitor sang mga taxi operators ang ila nga mga driver bangud nga sa ila nakadepende ang safety sang ila nga mga pasahero.
Suno pa sa iya nga nakibot siya sang naglab-ot sa iya ang impormasyon nga may ara sang nagpostibo nga driver bangud nga suno man sa iya,
wala sila nagkulang sa pagpahanumdom sa mga ini nga indi mag-engage sa mga illegal nga mga buluhaton.
