Ginaistoryahan sa Thai social media ang 24-anyos nga si Nong Fah matapos nag-ako ini nga gindungan niya nobyohon ang kapid nga mag-utod nga sanday Sing kag Suea.
Nakilala niya ang kapid sa restaurant nga iya ginaubrahan bilang waitress.
Isa ka adlaw, nagkaon ang kapid sa restaurant kag ginsunlog ini nga ihatag ang iya phone number sa mag-utod.
Bangud ginhatag niya ini, nagpadala man sang mensahe ang duha ka kapid.
Didto na nahulog ang buot niya sa mag-utod kag amo man ang nabatyagan sang duha ka kapid sa iya.
Suno kay Fah, wala man sang nagakatabo nga pagpangimon sa tunga sang mag-utod kag nabaton man nila ang sitwasyon bangud pareho nila nga palangga ang dalaga.
Sa subong, kapin anom ka bulan na sila nga nagaupdanay sa balay nga ginatiniran ni Fah.
Sa pihak sang mga kritisismo halin sa netizens, wala na lang ginasapak ini sang tatlo.
