Nagapanguna sa Bagong Sinag Class of 2024 sang Philippine Military Academy ang babaye nga anak sang isa ka mangunguma.
Ini amo si Cadet First Class Jeneth Elumba, 24, residente sang Surigao del Norte, kag ika-pito nga babaye nga PMA Class valedictorian halin sang nagsugod ang akademya sa pagbaton sang mga babaye nga kadete sang 1993.
Siya man ang magabaton sang Presidential Saber, ang Philippine Army Saber, Joint United States Military Assistance Group (Jusmag) Saber, Australian Defense Best Overall Performance Award (Army), kag Tactics Group Award.
Sa 278 nga myembro sang Class of 2024, pito ka mga babaye ang nalakip sa Top 10 suno sa PMA nga amo sanday:
Cyril Joy Masculino (4th place)
Rosemel Dogello (5th place)
Alexa Mye Balen (6th place)
Giselle Tong (8th place)
Danica Marie Viray (9th place), kag
Neriva Binag (10th place)
Nagapangaduha si Mark Armuel Boiles, pangatlo si Kim Harold Gilo kag pang-pito si Floyd Niño Arthur Roxas sang Iloilo.
Ang lista sang topnotchers ang gin-anunsyo sa Longayban Hall, Fort General Gregorio H. Del Pilar sa Baguio City, Mayo 10, samtang ang graduation naman ang patigayunon sa Borromeo Field sa PMA sa Mayo 18.#
Photo: Screengrab from the official Facebook page of the Philippine Military Academy
