Nagsaka na sa pito ka mga senador ang nagpirma sa partial report sang Senate blue ribbon committee kaangot sa imbestigasyon sa flood control scandal.
Sa privilege speech ni Senate President Pro Tempore Panfilo “Ping” Lacson nga amo ang chairman sang amo nga committee, iya ginpahayag nga si Senator Raffy Tulfo ang ulihi nga nagpirma sa report.
Duha pa ang kinahanglan agud nga ma-sponsor na ang amo nga report apisar nga tatlo ka bulan na halin sang ginpalibot ini sa Senado.
Ang mga nagpirma luwas kanday Lacson kag Tulfo amo sanday Senate President Vicente “Tito” Sotto III kag Sens. Erwin Tulfo, Risa Hontiveros, Bam Aquino, kag Kiko Pangilinan.
Si Sen. Rodante Marcoleta, former head sang panel, amo mismo ang isa sa mga wala nagpirma.
“To date, almost three months have passed, only seven including the present Chairperson and the Senate President, have affxed our signatures to this draft. I therefore thank our colleagues…who had signed the partial committee report and while I disagree with those who have not, let me state for the record Mr. President that I respect their decision even as I understand whatever reasons they have for not signing,” suno kay Lacson sa iya nga privilege speech.
“Botton line: it is their right as Senators of the Republic,” dugang sini.
Wala man nagbaton si Lacson sang interpellation samtang pending pa ang sponsorship.
“Dalawa na lang po, two or three more at puwede nang i-file sa Bills and Index Division ng Senado ang partial committee report. Until then, I am not yet yielding the floor,” suno kay Lacson.
Nalakip sa report ang findings sang panel sa pito ka mga hearing nga nag-imbestigar sa flood control scandal.
Ginpatigayon ang hearings sang Agusto 19, 2025 tubtub sa Nobyembre 14, 2025.
