Patay ang isa ka babaye matapos ginbuno sang iya pakaisa nga wala niya ginpautang.
Ang biktima ang nagaedad sang 25-anyos samtang ang suspek nagaedad sang 26-anyos.
Mismo ang pito ka tuig nga bata sang biktima ang nagpanugid sa natabo.
Suno sa bata, nagahulam sang kwarta ang iya tiyo nga suspek apang namalibad ang biktima.
Didto na nagkuha sang kutsilyo ang suspek kag ginbuno sang 20 ka beses ang babaye.
Nagdalagan naman ang bata kag nangayo sang bulig.
Nalagyo pa ang suspek apang natigayon ini nga madakpan.
Mangatubang ini sang kaso nga murder.
