Ginpakamalaot sang human rights groups ang bag-o nga polisa sang International Olympic Committee nahanungod sa gender testing kun sa diin nagtuga ini sang nagkalain-lain nga debate sa mga nagpamatok sini.
Suno sa mga nagasuporta, importante ini agud mapabilin nga patas ang kompetisyon sa women’s sports paagi sa paglimit sang mga partisipante sa “biological female” lamang nga mga atleta.
Suno naman sa mga naga-kritiko sini, kulang ini sang basehan kag mahimo makaguba sa mga atleta, ilabi na sa mga pamatan-on.
May iban nga nagapati nga ini isa ka porma sang diskriminasyon kag may impluwensya sang pulitika.
May nagakabalaka man nahanungod sa epekto sini sa mga menor de edad kag sa mga atleta nagikan sa Africa kag Asia.
Sa matandaan nga ini nga mando nagikan kay US President Donald Trump antes patigayunon ang 2028 Los Angeles Olympics.
