Naeksperyensyahan mo na bala ang mahambalan nga edited ang imo picture nga ginapost sa social media?
May isa ka 23 anyos sa Myanmar nga nangin bantog sa online world bangud halos indi makapati ang mga netizen nga wala niya makaagi edit ang iya ginapost nga mga picture.
Siya amo si Su ‘Moh Moh’ Naing nga may yara lamang sang waist shape nga 13.7 inches, isa sa may pinakagamay nga hawak sa bilog nga kalibutan.
Suno kay Naing, may kaangtanan sa genetics ang kagamayon sang iya hawak.
Apang ginpamatukan ini sang netizens sa diin napun-an ang iya mga pictures sa Instagram sang mga komento nga edited lamang ang tuman ka gamay kag manipis niya nga hawak.
May mga nagasiling man nga mahimo nagpakakas sang ribs si Naing ukon nagasuksok sang tight corset agud maangkon ang tuman ka niwang nga figure.
Ginpahayag naman ni Naing nga natural tanan ang iya nga lawas kag wala man sang dapat kabalak-an ang mga tawo bangud may yara siya sang healthy diet kag disposisyon.
