Patay na ang isa ka 46-anyos nga babaye sang nabugtawan ang kaupod sini nga nobyo nga 40-anyos sini nga nobyo sa sulod sang isa ka lodging house sa distrito sang La Paz, Iloilo City.
Sa interview sang Bombo Radyo kay Police Major Sonny Boy Garnace, hepe sang La Paz Police Station, iya ginpahayag nga nag-check in ang magpartner sa isa ka lodging house kagab-i, Nobyembre 8.
Ginpahayag nga naalimpungatan ang lalaki matapos mabatyagan nga wala na nagaginhawa ang iya upod nga babaye.
Dugang pa sang pulis, balo na ang babaye kag may ginabatyag nga balatian.
Samtang, wala naman sang nakit-an nga foul play ang kapulisan sa inisyal nga imbestigasyon sa insidente.
