Padayon nga nagabaskog ang bagyo nga may international name nga Cempaka samtang nagahulag pakadto sa aminhan-nakatundan sa kadasigon nga 20 kilometro per hour.
Ini nga forecast ang ginbase sa ginpagwa nga update sang weather bulletin nga nagabantay sa kahimtangan sang panahon base alas-11 kagab-i, Nobyembre 8, 2026.
Nakita ang sentro sang bagyo sa kalayuon nga 1,500 km sa sidlangan sang Extreme Northern Luzon, nga yara pa sa guwa sang Philippine Area of Responsibility (PAR).
Ang hangin nga dala sini ang may kusog nga 120 km per hour kag pagbugso sang hangin nga nagalab-ot sa 150 kilometro kada oras.
Ginapaabot nga magasulod ang bagyo sa PAR subong nga aga sang Nobyembre 9 kag pagatawgon nga Samuel.
Apang, wala ginapaabot nga direkta ini nga makaapekto sa kahimtangan sang panahon sa Pilipinas bangod magapabilin ini sa Philippine Sea.
