Naglupok kag nasunog ang tatlo ka oil tanker sa Strait of Hormuz, kahapon nga adlaw, Nobyembre 8, 2026 suno sa Islamic Revolutionary Guard Corps (IRGC) sang Iran.
Ini bangud sa paglabay sang nasambit nga barko sa Hormuz, apisar wala ginapahanugutan sang Tehran.
Wala naman gintuad sang Islamic Revolutionary Guard Corps ang identity kag pungsod nga ginhalinan sang mga nasambit nga grupo.
Samtang, ginreport nga ang iban pa nga insidente sang sunog kag pag-atake sa mga tanker ang malapit sa Oman, kun sa diin 22 ka indibidwal ang naluwas halin sa isa ka nasunog nga barko sa Gulf of Oman.
Natabo ang insidente sa tunga sang tensyon sa tunga sang Iran kag Estados Unidos kaangot sa pagdumili sa pagpalabay sang mga barko kag naval blockade sa mga pantalan sang Iran.
Padayon naman ang imbestigasyon sa nasambit nga paglupok sa pila ka lugar sa Iran.
Nahibaluan nga tuman ka importante ang Strait of Hormuz sa global economy bangud madamo nga pungsod ang nagakuha diri sang ila ginakonsumo nga gatong.
