Handa ang Iran nga liwat buksan ang Strait of Hormuz sa sulod sang duwa ka adlaw kun batunon sang United States of America ang mga kondisyon sini suno kay Iranian Foreign Ministry spokesperson Esmaeil Baqaei.
Lakip sa mga pangabay sang Iran ang pagtapos na sang gyera sa Middle East kag pag-untat na sang mga silot sa mga energy sector sini.
Ginpangabay man nila ang paghatag sang kahilwayan sa mga ginapanag-iyahan sang iban nga pungsod kag ang pagkuha sang naval blockade sang US sa mga pantalan sini.
Suno kay Baqaei, nagapadayon ang pagbaslanay sang mensahe sang duwa ka pungsod paagi sa mga mediator sini, apang sa bahin sa gihapon sang US kun ila pagabatunon ang kondisyon sang Iran nga liwat buksan ang Hormuz.
Nahibaluan nga importante ang Strait of Hormuz bangud ini ang nagapanguna nga ruta sang mga barko nga nagadala sang mga gatong sa bilog nga kalibutan.
Samtang, nagpaandam naman ang Iran nga magabalos ini sang mabaskog kun liwat atakihon sang US ukon Israel.
