Nagsaka sa bag-o nga career-high ranking nga No. 17 sa Women’s Tennis Association (WTA) world rankings ang 21-anyos nga Filipina tennis star nga si Alex Eala.
Halin sa nagligad nga No. 19, nagsaka sang duha ka pwesto si Eala kag nalab-ot ang mas mataas nga ranking kumpara sa iya anay pinakataas nga No. 18.
Ini matapos nga nakalab-ot siya sa quarterfinals sang Pan Pacific Open sa Japan, kun sa diin ginlutos niya sanday Mika Stojsavljevic sang United Kingdom kag Talia Gibson sang Australia sa una nga duha ka round, antes napierde kay Diana Shnaider sang Russia sa quarterfinals.
Target naman ni Eala nga tapuson sang maayo ang iya WTA season paagi sa Hong Kong Open, kun sa diin atubangon niya sa Round of 32 ang American tennis player nga si Alycia Parks sang US.
