Paga-umpisahan na sang Filipina tennis star nga si Alex Eala ang iya kampanya sa Hong Kong Open paagi sa pag-atubang sa American player nga si Alycia Parks sa Round of 32 subong nga adlaw sang Lunes, Nobyembre 2 sa Victoria Park Tennis Stadium.
Ang 21-anyos nga si Eala, ang sa karon World No. 19 kag amo ang second seed sa WTA 250 hard-court tournament.
Sa matandaan nga una nga nalutos ang Filipina tennis star batok kay Sparks sadtong bulan sang Enero, apang nakabawi matapos malutos ini sa Canadian Open sadtong bulan sang Agosto.
Kun magadaog si Eala, iya nga atubangon sa masunod nga round ang magadaog sa away nanday Sun Xinran sang China kag Tereza Valentova sang Czech Republic.
Nahibaluan nga naghalin si Eala sa quarterfinal finish sa Pan Pacific Open sa Tokyo, Japan, kun sa diin nalutos ini ni Diana Shnaider sang Russia, nga nagkampeon sa torneo.
Tuyo ni Eala nga tapuson ang iya madinalag-on nga season paagi sa maayo nga kampanya kag panibag-o nga kadalag-an sa Hong Kong Open.
