Suportado sang Majority bloc sang senado ang pagtinguha ni Senate Finance Committee Chairperson JV Ejercito nga kuhaon sa ginaproponer nga 2027 national budget ang mga kwestyonable kag possible nga ginhalin sang korupsyon suno kay Sen. Panfilo “Ping” Lacson.
Sa pahayag ni Lacson, ginsiling niya nga naga-isa ang mga senador sa pagbusisi sa national budget agud masiguro nga malimpyo ang mga alokasyon nga possible maggamit sa korapsyon.
Suno kay Lacson, indi lamang ang pagkakas sang mga kwestyonable nga alokasyon ang tinutuyo kundi pati man ang pagsiguro sang transparency sa bug-os nga proseso.
Ginpunto man ni Lacson nga wala sang dapat exception sa pagbusisi sang mga galastuhon sang gobyerno.
Sa matandaan nga una na nga ginpahayag ni Lacson nga wala sang dapat nga palagpason ang Senado sa pag-kaayo sang mga kwestyonable nga alokasyon sa bersyon sang national budget nga ginpasa sang Kamara de Representantes.
Sa tunga sang pagbusisi sa 2027 budget, ginalauman nga mangin importante ang topiko sa Senado sa paghibalo kag ang pagkuha sang mga alokasyon nga wala sang nagakaigo nga basehan.
Kadungan diri ang pagduso sang bukas kag klaro nga proseso sang pondo sang pungsod.
