Temprano pa nga nataktak sa Singapore Open ang Pinay tennis star kag world no. 18 nga si Alex Eala matapos ginlutos ni No. 180 Tatiana Prozorova sang Russia sa Round of 16.
Nagbato si Prozorova agud nga malampuwasan ang one-set deficit tubtub nga nagtapos sa score nga 4-6, 7-5, 6-3 nga amo ang nagpa-abante sa iya sa quarterfinals.
Ini ang pinakadaku nga kadalag-an nga narekord sa karera sang amo nga Russian player.
Antes ang resulta sang ila hampang sang 21-anyos nga Filipina tennis sensation, wala pa siya nakaagi nga may nalutos nga Top 40 player.
“Honestly I don’t have any words right now to describe my emotions, my feelings. Wow, I did it. I just did it, yeah,” suno sa 22-anyos nga nag-upset kay Eala. “I just believed in myself until the end. I knew she would fight, and I also would fight until the end. That’s just what I did, and it worked.”
Nahibaluan nga nagsulod ang Filipina star sa Singapore Open bilang third seed.
Kasunod sang kampanya sa amo nga tournament, magasaylo ang atensyon ni Eala sa iya pagtiglawas sang Pilipinas sa Nagoya, Japan para sa 2026 Asian Games kun sa diin isa siya sa ginalauman nga makadugang sa gold medals sang pungsod.#
