Ginkumpirma sang DOST-PAGASA nga natabo ang ikaduha nga landfall ni Bagyo Marce sa Sanchez-Mira, Cagayan 9:00 subong nga gab-i.
Ini ang kasunod sa una gin-anunsyo sang weather bureau nga nag-landfall ang bagyo 3:40 p.m. malapit sa Santa Ana, Cagayan.
Base sa 8:00 p.m. cyclone bulletin, ulihi nakit-an si Marce sa coastal waters sang Aparri, Cagayan dala ang kabaskugon sang hangin nga 175 kph kag pagmadlos nga tubtub sa 240 kph.
Ang naaminhan nga bahin sang Cagayan lakip ang Babuyan Islands, northern portion sang Apayao, kag northern portion sang Ilocos Norte ang lunsay napaidalom sa Signal no. 4 kun sa diin may areas nga makabig nga high-risk sa storm surge sa masunod nga 48 oras.
Gina-forecast nga magapabilin ini sa typhoon category samtang yara sa Philippine Area of Responsibility kag maga-amat-amat sa paghina sa masunod nga 12-24 oras.
Ginalantaw man nga magaguwa ini sa PAR buwas sa hapon ukon gab-i, Nobyembre 8.#
