Mas nagbaskog pa bilang Typhoon ang Bagyo Marce.
Posible ini nga mag-landfall sa Babuyan Islands ukon sa Northern Portion sang mainland Cagayan sa Huwebes sang gab-i ukon Byernes sang aga.
Magwa naman ini sa Philippine Area of Responsibility sa Byernes sang gab-i ukon Sabado sang kaagahon.
Ang sentro sang Severe Tropical Storm Marce ang ginabanta yara sa kalayuon nga 590 km East sang Baler, Aurora.
Dala sini ang kabaskugon sang hangin nga nagadangat sa 120 km/h malapit sa sentro kag pagmadlos nga tubtob sa 150 km/h.
Nagahulag ini pa West northwestward sa kadasigon nga 30 km/h.
Sa subong, nabatak naman ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
Ini amo ang mga masunod:
Batanes, Cagayan lakip na ang Babuyan Islands, Isabela, Ilocos Norte, Apayao, Abra, Kalinga, Mountain Province, Ifugao, northern portion sang Nueva Vizcaya, northern portion sang Quirino kag northern portion sang Aurora.
