Ginkumpirma sang state weather bureau nga nag-landfall na si Bagyo Tino sa Silago, Southern Leyte.
Sa update nga gin-post sang Philippine Atmospheric, Geophysical, and Astronomical Services Administration pasado ala una subong nga kaagahon, ginsiling nga nag-landfall ang mata sang bagyo 12:00 kaina sang tungang gab-i.
Kun balikan sa 11 p.m. tropical cyclone bulletin, nagpaandam ang PAGASA sang “life-threatening and damaging” storm surges sa mga area kun sa diin may gin-isyu nga high storm signals.
Napasaka man sa Signal No. 4 ang walo ka areas sa Visayas kag sa Mindanao.
Base sa track forecast, pagkatapos sang landfall sa Southern Leyte, magatabok ang bagyo sa Visayas kag sa northern Palawan halin subong nga Martes tubtub sa Myerkules sang aga.
Alas dos sa kaagahon ang masunod nga weather bulletin.
Posible nga magguwa si Tino sa Philippine Area of Responsibility (PAR) sa Myerkules sang gab-i ukon sa Huwebes sang aga.#
