Padayon ang paghulag sang bagyo Tino sa direksyon paaminhan-nakatundan sa kadasigon nga 15km/h, nga may dala kabaskugon nga hangin nga 130km/h kag pagmadlos nga nagalab-ot sa 180km/h.
Suno sa pinakaulihi nga report, ang mata sang bagyo ang yara sa paibot sang Patnongon, Antique kag ginalauman nga magagguwa padulong sa Sulu Sea.
Bangud sini, nagapadayon nakabatak sa Signal No. 4 ang Calamian kag Cuyo Islands sa Luzon, amon man sa Antique, Iloilo, kag Guimaras sa Visayas.
Ginalauman ang lala nga halit sa mga lugar nga ini tuga sang typhoon-force winds.
Samtang, Signal No.3 ang naaminhan nga bahin sang mainland Palawan kag nabilin nga bahin sang Antique, Aklan, Capiz, Iloilo, kag pila ka bahin sang Negros Occidental kag Negros Oriental.
Posible nga makaeksperyensya sang storm-force winds ang mga nasambit nga lugar.
Yara naman sa idalom sang Signal No. 2 ang pila ka bahin sang Masbate, Mindoro, Romblon, Palawan, Cebu, kag Negros Island Region.
Signal No. 1 ang ang pila ka bahin sang Quezon, Marinduque, Mindoro, Romblon, Masbate, Palawan, Biliran, Leyte, Bohol, Siquijor, kag Negros Oriental.
