Nakigsugilanon si Papa Leo XVI paagi sa telepono kanday Israeli President Isaac Herzog kag Ukrainian President Volodymyr Zelensky, agud istoryahan ang padayon nga kinagamo sa amo nga mga pungsod.
Suno sa Vatican, ginkasugtan ni Pope Leo kag Herzog ang importansya sang liwat nga pagbukas sang tanan nga posible diplomatic channels agud untaton ang kinagamo sang amo nga pungsod kag makaangkon sang dalayun nga kalinong sa Middle East.
Nangin kabahin man sang amo nga talakayan ang pagprotektar sa mga sibilyan, iban pa nga kapungsuran kag ang humanitarian law.
Sa nangin sugilanon naman sang Santo Papa kay Zelensky, ginpahayag sini ang iya pagtamyaw para sa adlaw sang pagkabanhaw kag ang pagtalakay sang gilayun nga bulig sa mga biktima sang gyera, ilabi na ang paghilway sa mga preso kag iban pa nga humanitarian initiative.
Matandaan nga matapos ang pag-invade sang Russia sa Ukraine sang 2022, padayon ang paghimakas sang Vatican sa pagpatunga sa amo nga kinagamo agud makaangkon sang dalayun nga kalinong sa rehiyon.
