LEON, ILOILO – Temporaryo nga ginsirado ang Bailey Bridge sa Barangay Talacuan , Leon, Iloilo matapos nga natiphag ang porsyon sang taytay.
Sa interview sang Bombo Radyo kay Engineer Joel Alminasa, pinuno sang maintenance division sang provincial engineers office sang Iloilo, iya ginpahayag nga magahimo sang tikang ang ahensya sa diin magabutang sang duha ka panel sa taytay.
Suno kay Alminasa, ang taytay ang ginapatihan madugay na nga tinion.
Apang sang nakaligad nga tatlo ka tuig, ginkaayo naman ini.
Nahibaluan nga apektado man ang pagdeliver sang mga produkto halin sa mga barangay Biri Sur, Biri Norte kag Omambong bangud sa pagpasirado sang taytay.
