Indi lang kalayo ang kasumpong subong sang mga tawo sa Los Angeles County sa California, USA kundi ang posibilidad sa pagkatiphag sang duta.
Naangot ini sa koneksyon sang wildfires sa ground instability rason nga ginahandaan man ang landslides kag ang debris flow.
Halimbawa diri amo ang isa ka balay sa Castellammare Drive nga nakaluwas matuod sa Pacific Palisades wildfire, apang naguba man gihapon kag napihak sa duha matapos nagluntad ang landslide.
Suno sa Los Angeles Department of Water and Power, may isa ka balay sa naibabaw nga parte sang area nga una na naguba bangud sa wildfire, kag bangud natiphag ang duta, nag-collapse ini kag natumbahan ang balay nga wala pa kuntani na-damage sa sunog.
Bangud sa kaangay sini nga insidente, nagadihon sang mga plano ang Los Angeles County Public Works kaupod sa California Department of Transformation agud nga maprotektahan ang areas sa dugang nga sunog kag pagkahuyang sang duta.
Nahibaluan nga manug-duha ka semana na ang wildfires sa Los Angeles kag subong nagbilin na sang 27 ka mga patay, nag-guba sang 12,000 ka mga estruktura, kag nagpwersa sa masobra 170,000 ka mga tawo nga mag-evacuate.
