Gindalahig na sang Israel kag Estados Unidos sang Amerika ang mga oil facilities sa Iran sa ika-siyam nga adlaw sang gyera sa Middle East.
Ini ang una nga tion nga gin-atake nila ang oil infrastructure sa Iran halin sang nag-ibwal ang tensyon sa rehiyon sang Pebrero 28, 2026.
Nasaksihan ang pagdaba-daba sang apat ka oil storage facilities kag isa ka oil production transfer center sa Tehran kag sa probinsya sang Alborz.
Ang ginpuntariya nga mga pasilidad amo ang Aghdasieh oil warehouse sa northeast Tehran, ang Tehran refinery sa south, ang Shahran oil depot sa nakatundan sang Tehran, kag ang oil depot sa Karaj city.
Sa inisyal nga reports, nag-leak na sa mga dalanon ang langis bangud sa strike sa Shahran depot.
Bangud sa amo nga atake, apat ka tanker drivers ang napatay sa Tehran kag Alborz.
Nagrason ang Israel nga gin-atake nila ang fuel storage facilities sa Tehran bangud ginagamit ini agud mag-operate sang military infrastructure.
