ILOILO – Dako ang mabulig sang mga barangay officials agud malikawan ang pagtaas nga kaso sang Dengue Hemorrhagic Fever sa Probinsya sang Iloilo.
Sa interview sang Bombo Radyo kay Liga ng mga Barangay President kag ex officio member Dorothy Paes, iya ginpahayag nga nagpatigayon ini sang pagsinapol kaupod ang mga punong barangay sa Probinsya.
Suno kay Paes, nagakadapat nga magbuligay ang mga pumuluyo kag local government unit (LGU) agud indi na magduging ang nasambit nga balatian.
Ginpahayag ni Paes nga isa sa kampanya sang Liga amo ang ‘Basura Nyo, Responsibilidad Nyo; Palibot Nyo, Limpyuhan Nyo.
Naghingyo man si Paes sa mga barangay officials nga ipalapnag ang pagtapna sang kaso sang dengue agud indi na magdamo pa ang biktima sang makamamatay nga balatian.
