Arestado ang barangay tanod sang Barangay Poblacion, Jordan, Guimaras matapos nakuhaan sang walo ka sachets sang suspected shabu sa drug buy bust nga ginpatigayon sa Barangay Alaguisoc sa amo nga banwa, Mayo 25.
Ang nadakpan amo si Jerry Gaborno, 60, kag ginapahayag nagabyahe man sang tricycle sa San Miguel.
Sa interview sang Bombo Radyo kay Police Major Kenneth Bermejo, hepe sang Jordan Municipal Police Station, iya ginpahayag nga newly-identified sa amo nga iligal nga aktibidad si Gaborno.
Magagmay nga pinutos sang suspected shabu ang nakuha kay Gaborno kag P500 nga buybust money.
Sa inisyal nga impormasyon sang mga pulis, sa Bacolod City ginakuha ni Gaborno ang suplay sang iligal nga droga kag ginapaagi pa sa Iloilo. Ginahibalo pa sang mga pulis kun sin-o man ang iya nga ginapanagtagan sa probinsya sang Guimaras. #
