Nagbiya na sa Sabina Shoal sa West Philippine Sea ang Philippine Coast Guard (PCG) vessel nga BRP Teresa Magbanua.
Suno sa National Maritime Council, na-track sang AIS data ang BRP Teresa Magbanua nga naghalin sa Sabina Shoal sang Byernes kag nagpadulong ini sa Sulu sea.
Ang amo nga barko ang yara sa Sabina Shoal sugod sang Abril 15, 2024.
Una naman nga ginpahayag sang Philippine Coast Guard nga sang nagligad nga Mayo, ginpanghaboy malapit sa Sabina Shoal ang “crushed” ukon pudpod nga corals kapareho man sa na-oberbahan sa Sandy Cay, kon sa diin, ang Filipino marine Biologists nagsiling nga ini bangud sa island-building activities sa West Philippine Sea.
Ginpahayag man sang Philippine Coast Guard nga ang paghaboy sa mga corals malapit sa Sabina Shoal ang kaangot sa preparasyon sang China sa ila reclamation activities agud nga magtukod sang imprastruktura sa ibabaw sang maritime feature nga malapit sa Palawan kon ipaangid sa ginaagawan nga Ayungin Shoal sa West Philippine Sea.
Kon balikan, sang Mayo, nagpasalig ang PCG nga i-sustain nila ang presensya sa West Philippine Sea agud nga masiguro nga indi madala ang lugar sa reclamation activities sa Sabina Shoal.
Nahibaluan nga ang Philippine Navy ang nag-deploy man sang warship sa Sabina Shoal apisar sang mga reports nga pag-attempt sang China nga magpatuman sang reclamation activities sa lugar.
Ini ang isa man ka patimaan sa China’s People’s Liberation Army (PLA) sa ila pagpatuman sang mga lihok sa Sabina Shoal sang nagligad nga Hunyo.
Sang nagligad nga Hunyo, isa ka sakayan sang China Coast Guard (CCG) kag duha ka sakayan sang Chinese maritime militia ang ginreport nga nag-shadow kag naglayag sa palibot sang BRP Teresa Magbanua sa Sabina Shoal, suno sa monitoring sang SeaLight security think tank.
Gin-deploy man sang China sa Sabina Shoal ang iya CCG 5901, ang pinakadaku nga barko sang coast guard sa kalibutan nga kilala bilang “The Monster,” agud pahugon ang BRP nga si Teresa Magbanua.
Sang bulan sang Agosto, duha ka Multi-Role Response Vessels (MRRVs) sang PCG nga amo ang BRP Cape Engaño kag BRP Bagacay ang yara sa ruta agud magdul-ong sang mga kinahanglanon nga supply sa mga personnel nga nadestino sa Patag kag Lawak Islands sang naghimo sang delikado nga maniobra malapit sa Sabina Shoal ang mga sakayang pandagat sang Chines Coast Guard.
Nagresulta ini sa pagkaguba sang mga sakayan sang PCG. Apang gin-angkon sang CCG nga ang mga sakayan sang PCG “ilegal nga nagsulod” sa lugar nga wala sing pahanugot kag “tuyo” nga nagbunggo sa ila barko.
Nahamtang sa 75 nautical miles ukon mga 140 kilometros gikan sa Palawan, ang Sabina Shoal isa ka pormasyon sang coral reef nga may central lagoon nga ginapalibutan sang discontinuous nga manabaw nga mga seksyon.
Ginakabig ini nga yara sa sulod sang 200-nautical mile exclusive economic zone (EEZ) sang Pilipinas sa idalom sang 1982 United Nations Convention on the Law of the Sea.
