Ginbawian sang kabuhi ang isa ka 10-anyos nga bata matapos nga nagpa-paltak sa isa ka nagpakilala nag doktor sa isa ka lying-in clinic sa Tondo, Manila.
Suno sa iloy sang bata nga si Marjorie San Agustin, mabaskog ang bata niya nga si Nathan sang gindala niya sa clinic para ma-circumcise.
Pahayag ni Marjorie, gintublukan man sang anesthesia nga 20cc ang iya nga bata santo sa pahayag sang isa ka staff.
Ginpamangkot pa ni Marjorie ang bata kun ano ang pamatyagan kag nagsabat ang bata nga wala na ini sang nabatyagan.
Apang matapos ang proseso, naobserbahan ni Marjorie nga nagakurog na ang bata.
Gindala sa ospital ang bata apang wala na natabangan pa.
Ginaimbestigaran na sang Manila Police District kag National Bureau of Investigation ang insidente.
