Iduso ni Senator Ronald “Bato” dela Rosa kun mahimo ibalik ang confidential funds nga gina-request sang Department of Education (DepEd) sa idalom sang pagpamuno ni Vice President Sara Duterte.
May P150-million nga confidential fund ang amo nga ahensya apang ginkakas sang small committee sang Kamara.
Photo: Sen. Bato FB Page
Kun si Senator Dela Rosa naman ang pahambalon, pareho ini sa tuyo ni Duterte nga ipain ang amo nga pondo agud matapna ang recruitment sang rebelde nga grupo sa mga kabataan kag mga estudyante.
Ang DepEd suno sa natungdan ang husto nga ahensya nga i-tap kun luyag gid nga untaton na ang mga recruitment sa mga eskwelahan.
“Pag binigay mo sa PNP, AFP, general ang purpose niyan. Buong insurgency problem, iyan ang tutukan nila. Pero pag doon sa DepEd kasi nakatutok sa recruitment ng mga bata specifically. Sino bang ahensya ang dapat magtatrabaho dito? It’s not Armed Forces, it’s not PNP. It should be DepEd dahil nasa turf nila iyan, nasa loob ng classroom,” pahayag sang senador.
Apang dugang sang senador, mahimo lamang niya ini kun may consensus sang iban niya nga kaupdanan sa Senado.
Magluwas sa confidential fund sang DepEd, luyag man ni Dela Rosa nga suportahan kag ibalik ang proposed P300 million confidential allocation para sa Department of Information and Communications Technology (DICT). #
